Ágætu félagar, Upplýsingarit ASÍ um fæðingar- og foreldraorlof hefur verið endurútgefið. Umtalsverðar breytingar voru gerðar á lögunum um fæðingar- og foreldraorlof á síðasta ári og er gerð grein fyrir þeim í inngangi, auk þess sem texti upplýsingaritsins hefur verið uppfærður til samræmis. Þá hafa allar upphæðir verið færðar til samræmis við breytingar sem tóku gildi 1. janúar sl. Sú breytinga varð um síðustu áramót að umsýsla Fæðingarorlofssjóðs var færð frá Tryggingastofnun ríkisins til Vinnumálastofnunar og fer starfsami Fæðingarorlofssjóðs nú að mestu fram á Hvammstanga. Af því tilefni hafa öll eyðublöð er varða umsóknir í sjóðinn verið uppfærð. Jafnframt hefur verið opnaður sérstakur vefur Fæðingarorlofssjóðs, www.faedingarorlof.is.

Hægt er að nálgast upplýsingaritið og fylgigögn þess á vef ASÍ www.asi.is. Þar er að finna lögin um fæðingar- og foreldraorlof og viðeigandi reglugerðir. Einnig sýnishorn af eyðublöðum Fæðingarorlofssjóðs o.fl. Einnig er hægt að nálgast upplýsingaritið á skrifstofu ASÍ.